Millionar og nytt senter til lingvistikkmiljøet hjå UiT

Trond Mohn stiftelse (TMS) har gjeve sin første tildeling i sin satsing ved Norges arktiske universitet UiT. Fagmiljøet for språktileigning og fleirspråklegheit hjå UiT får 34 millionar kronar til sitt Center for Language, Brain & Learning, kalla C-LaBL.

UiT vil gje tilsvarande sum, slik at senteret totalt vil disponere nærmare 70 millionar over seks år.

På senteret skal ein studere korleis fleire språk samhandlar i hjernen og undersøkje samspelet mellom ulik grammatisk oppbygging av språka i den fleirspråklege hjernen.

Forskinga vil ha hovudfokus på betydninga av språkleg avstand, krysslingvistisk påverknad, og nevrokognitive tilpassingar i hjernen som følgje av fleirspråkleg erfaring.

LES OGSÅ: – Samarbeidet med samer på russisk side er hardt rammet av Russlands krig